Diploma militis peregrini.

imp. Caesar Vespasianus Augustus pontifex maximus tribunicia potestate II, imperator VI, pater patriae, cos. III, designatus IIII, veteranis, qui militaverunt in classe ravennate sub Sex. Lucilio Basso, qui sena et vicena stipendia aut plura meruerunt et sunt deducti in Pannoniam, quorum nomina subscripta sunt, ipsis liberis posterisque eorum civitatem dedit et conubium cum uxoribus, quas tunc habuissent, cum est civitas is data, aut siqui caelibes essent, cum iis quas postea duxissent, dumtaxat singulis singulas. Nonis aprilibus Caesare Augusti filio Domitiano, Gn. Pedio Casco cos. Platori Veneti filio, centurioni, maezeio. descriptum et recognitum ex tabula aenea, quae fixa est Romae in Capitolio ad aram gentis iuliae de foras podio sinisteriore tabula I, pagina II, loco XXXXIIII. T. Iuli Rufi Salonitani equitis Romani; P. Vibi Maximi Epitaurensis equitis Romani; T. Fani Celeris Iadestini decurionis; C. Marci Proculi Iadestini decurionis; P. Caetenni Clementis Salonitani; P. Luri Moderati Risinitani; Q. Poblici Crescentis Iadestini.

imp. Titus Caesar ....qui uxores non habent, siqui eorum feminam peregrinam duxerit, dumtaxat singuli singulas, quas primo duxerint, cum iis habeant conubium. hoc quoque iis tribuo, ut, quos agros a me acceperint quasve res possederunt III k. ianuar. Sex. Marcio Prisco, Cn. Pinario Aemilio Cicatricula cos., sint immunes. ...stai C. f. Galeria Saturnini [C]lunia chors II praetoria.

imp. Caes. divi Antonini Magni Pii Augusti filius divi Severi Pii nepos, M. Aurelius Antoninus Pius Felix Augustus, sacerdos amplissimus dei invicti solis Elagabali, pontifex maximus, tribunicia potestate IIII cos. III pater patriae, nomina militum qui militaverunt in cohortibus praetoris Antoninianis decem I. II. III. IIII. V. VI. VII. VIII. VIIII. X Piis vindicibus, qui pie et fortiter militia functi sunt, ius tribui conubi dumtaxat cum singulis et primis uxoribus, ut etiamsi peregrini iuris feminas in matrimonio suo iunxerint, proinde liberos tollant ac si ex duobus civibus Romanis natos. a. d. VII idus ianuar. C. Vettio Grato et M. Vitellio Seleuco cos. cohors IIII praetoria Antoniniana Pia vindex: M. Septimio M. fil. Ulpia Maetico, Trimontio. Descriptum et recognitum ex tabula aerea quae fixa est Romae in muro post templum divi Augusti ad Minervam.